To kê şiya na wêlat ra
Na wêlat vuriya
Harde Desim cenet vi
Bê to tedê pepug nurneno
Hegay fılan nêkêrde
Vas yeno miye
Çırtıke xêni vervejiye
Uwê biya vind şiya
Genim cêw nê ramıto
Dorme leu ranedo
Yemiş nê gureto
Nê ray beliye ne ki pax
Dêw bınra rıjiye
Gureto mara delevergu
Aze kırmanciye nêverdo
Taxte ma vêsno bêxte ma rızno
Tohume Kırmanciye vurno
Amenê ma de sıt niame ra
Çevera ma hete islamra kerdo ra
Asle cısle kırmanciye bınra bırna
Tija homete kou serde sêvle dana
Nêzonon sene waxto
Payizo, zımıstano, usaro, amnono
Tore dina vuriyo
Sılo nêçar poşta ho sana harde Desim
Cendexê Sıl beno zılve Desim
Asle Sıl yeno kalu bela ra
Roe ho çêrexino harde Desim sera
Süleyman ÖZMEN
12.11.2025
