Nao corde yeno
Urjira verva cı şêri
Sayire mı ve huyo
Qâte cılu cire rakeri
Esmo meymane mıno
Nêrê melama mı
Çıme mı gınara to
Çhokune mıra fır onciya
Şiya to mıre gırana
Çhokra mı ver ninê
Uyy sayire mı
Ez qedaye to bijeri
Herme hora mıde
Deste to peye vılira
Bêro serê cızi
Dest erzon sala tuya qere
Tanya mı zonine tore şêro
Melama mı vere bone sıma de lewa şêze
Lıska raste nata biya sayire to lewê pano
Seda to roye mıde kaykero
Fıre zonine mı de şêro.
Vavo sayire mi vavo
Warune made gul u sosın têravo
Sayire mı mıre ciran vo
Buxt şêro buxt ser
Felek vırawa sayire mı de mıre meyman vo
Nêrê melema mı
Sanon ho miye şimşêrê Kırmanciye
Gavanê Xızır de vıreniye felek de vındon
Hurmetê jiar u diyaru ra
Vıle yi kon bıne yira
Sayire mı torê bon Kêmera Almoşti
Son sodır dina analığe sero vêson
Bon tela thomırê Sılê neçari
Jê Themuzê Amnoni
Son sodır çhızon.
13.12.2025
SÜLEYMAN ÖZMEN